კვირის მიმოხილვა

23-29 მარტის პერიოდში შემდეგი ტენდენციები გამოიკვეთა: ძალადობისკენ მოწოდება -3; ქსენოფობია -3; თურქოფობია -3; რასიზმი -1; რელიგიური ნიშნით დისკრიმინაცია -1; ჰომოფობია -10; გენდერული სტერეოტიპები - 4; შშმ პირების დისკრიმინაცია -1; ანტიდასავლური განწყობები -33.

ქვემოთ მოცემულია გარკვეული მაგალითები:

ძალადობისკენ მოწოდება

ასავალ-დასავალი, 23-29 მარტი

კობა ოთანაძე, თადარიგის პოლკოვნიკი: არ შეიძლება, სააკაშვილის სექტის დაბრუნება!.. ეს ნაძირლები ჩასაქოლები და ჩასახოცები არიან და რაც ნაციონალებმა ქართველ ხალხს გაუკეთეს, იმავეს ღირსია თავად ნაციონალური მოძრაობა!"

ქსენოფობია

კავკასია, სპექტრი, 25 მარტი

დავით აქუბარდია, წამყვანი: "არ იყავით სწორი, იმ რაღაც ებრალურ კანტორას [სითი პარკი] სოლიდარობას უცხადებთ... ქართველები შაჰა-ბასმა ვერ დაგვაჩმორა, კაცო და ვინ არიან ეს დვარნიაშკები? როგორ ბედავენ აქ ბოძების დარჭობას! ამათი დედა ვატირე!"

თურქოფობია

იმედი, რეაქცია და რეპორტიორი, 27 მარტი

მამა ანთიმოზ ბიჩინაშვილი: "დღეს გაივლი [აღმაშენებლის გამზირზე] და თურქების ბირჟებია და მაპატიეთ და ბორდელებია გახსნილი, სადაც ღამე მიდიან თურქები შედიან და ახალგაზრდა ქართველი გოგოების პროსტიტუცია ხდება. ეს რა იდეოლოგიაა?"

რასიზმი

ობიექტივი, ღამის სტუდია, 28 მარტი

მალხაზ სინაურიძე, ციხის ყოფილი დირექტორი : "მეტს მე არაფერს არ ვითხოვ, დამ-კით-ხონ და ნუ გამასამართლებენ როგორც ზანგი და ესე უკაცრავად ცოტა უხერხული გამოთქმა იყო"...

რელიგიური ნიშნით დისკრიმინაცია

Geworld.ge, 25 მარტი

გურამ ფალავანდიშვილი, ბურჯანაძე-გაერთიანებული დემოკრატები: "სემინარიაგამოვლილმა ავტორმა [გიგი უგულავას წერილი]... არ შეიძლება არ იცოდეს მართლმადიდებლების მიერ სხვა კონფესიების ცრუ ქრისტიანებად, მწვალებლებად გამოცხადების შესახებ."

ჰომოფობია

Geworld.ge, 25 მარტი

გურამ ფალავანდიშვილი, ბურჯანაძე-გაერთიანებული დემოკრატები:

"სოდომ-გომორი, რომელიც ღმერთმა სწორედ მამათმავლობის და კიდევ სხვა მსგავსი, ინცესტის და სხვა სექსუალური სიბილწეების გამო გადაწვა და გაანადგურა...

თუმცა ალბათ ამ სტატიის ავტორისთვის [გიგი უგულავა] არა რუის-ურბნისის კრების დადგენილება, არამედ ახლად გამოჩეკილი მოციქული ფსიქიატრებისა თუ მოსყიდული ფსიქოლოგებისდა “იდენტობის” სხვა მსგავსი ბილწი ორგანიზაციების კრებები და დადგენილებებია ავტორიტეტი...

როდესაც ისინი პატარა ბავშვს, მისი ნების საწინააღმდეგოდ ერთსქესიან ოჯახებში აშვილებენ... იმედს გამოვთქვამ, რომ იქნებ აღმოჩნდეს კიდევაც ის საბოლოო საფეხური, რომელიც შეიძლება ამ ბინძურ, ამორალურ კიბეზე ჩამოიშალოს და მიწასთან გაასწოროს ეს, დასავლეთში სახელმწიფო რელიგიის დონემდე აყვანილი, მამათმავლობის დოქტრინა."

გენდერული სტერეოტიპები

ასავალ-დასავალი, 23-29 მარტი

გოგი წულაია, თავისუფალი საქართველო: "... როცა ჩვენდა საუბედუროდ, ამ ქვეყანაში ნახმარი ქალების მოყვანა აღარაა სირცხვილი და ნახმარი კომპიუტერი რა გაუხდათ, ნამდვილად არ ვიცი!"

შშმ პირების დისკრიმინაცია

საქინფორმი, 23 მარტი

სათაური: არნო ხიდირბეგიშვილი: „სააკაშვილის ნაცდაუნებმა მთელ საქართველოში 2 ათასზე მეტი მომხრე ვერ შეკრიბეს!“

ანტიდასავლური განწყობები

იმედი, რეაქცია, 27 მარტი

ნინო ბურჯანაძე, ბურჯანაძე ერთიანი ოპოზიცია: "მთელი საქართველო, შეგუებულია უკვე იმას, რომ კარგა ხანია ჩვენს რეიტინგებს, პოლიტიკური ლიდერების რეიტინგებს წერენ ვაშინგტონში, წერენ იმის მიხედვით, რა უნდა რეალურად ვაშინგტონმა საქართველოში სურათი რომ იხილოს და არა იმის მიხედვით, რა უნდა საქართველოს მოსახლეობას ან რა ჭირდება საქართველოს ხალხს."

Geworld.ge, 27 მარტი

გურამ ფალავანდიშვილი, ბურჯანაძე-გაერთიანებული დემოკრატები: "დასავლეთის ეკონომიკური ძლიერება და დომინირება არა ჭეშმარიტი აღმსარებლობის, არამედ სინამდვილეში მწვალებლური, ცრუ ქრისტიანული იდეოლოგიის ფონზე განვითარდა."

საქინფორმი, 23 მარტი

გულბაათ რცხილაძე, ევრაზიის ინსტიტუტი: "დღესდღეობით ჩვენი მედასავლეთეები ცდილობენ, ფაშისტები ჰუმანისტებად წარმოაჩინონ, ოღონდ კი ყველაფერში რუსეთის დემონიზაცია მოახდინონ და ჩვენს ხალხებს შორის ხელოვნური განხეთქილება შეიტანონ. ამიტომ საჭიროა იმის შეხსენება, რომ ნაციზმსა და ფაშიზმს ამ აზრზენი სახე აქვს. დღევანდელი უკრაინა ჩვენთვის მისაბაძი მაგალითი კი არა, საშინელი გაკვეთილი უნდა იყოს, თუ როგორ არ უნდა მოვიქცეთ." 

Geworld.ge, 27 მარტი

გივი გურეშიძე, პოლიტოლოგი: "არადა, ჯავახეთელი სომხების ერთ-ერთი ლიდერი აღასი არაბიანი გვემუქრება და გვაფრთხილებს: “თუ საქართველო ნატოში გაერთიანდება, ჩვენ დავიწყებთ მოძრაობას ჯავახეთის საქართველოდან გამოსაყოფად!"

ობიექტივი, ღამის სტუდია, 29 მარტი

ვახტან ჭოლოგავა, ტელემაყურბელი: ესე იგი თუ მაგრად არ დავდექით და ამერიკის საელჩო არ დავამხეთ, ეგ ნაძირალები, ეგენი. მაგენი არიან მხარმდამჭერები ამ კოჰაბიტაციის და ამ უბედურების, ეს არის სათავე. დაიძახე ერთი და შენ გვერდში ვართ სუყველანი, ჩემო ძვირფასო [მიმართავს ირმა ინაშვილს].