მთავარი მიგნებები

ძალადობის წახალისება

ასავალ-დასავალი, 20-26 ივლისი

დიტო ჩუბინიძე, ჟურნალისტი: „2010 წლის 27 ივნისს, ტრაპიზონის მახლობლად, ძველთაძველი ლაზეთის ქალაქ უნიეში მან [თორნიკე ლორთქიფანიძე] უწმინდესი მისია ვაჟკაცურად აღასრულა და მამის მკვლელი - 38 წლის ჰასან სავაში სიცოცხლეს გამოასალმა.“

ქსენოფობია: პარტიები

ობიექტივი, ღამის სტუდია, 13 აგვისტო

ირმა ინაშვილი, პატრიოტთა ალიანსი: „ირანელმა წაიღო ჩვენი მიწა, აიღო იჯარით, მრავალწლიანი იჯარით. მე ვარ იქ დასაქმებული და დალოცვილებო, ისე როგორ ვერ უნდა მოვუაროთ ჩვენ მიწას ან რა გახდა ესეთი კანონმდებლობის შემუშავება, რომ ამ ქართულ მიწაზე მეპატრონე ქართველი კაცი იყოს?... მოდი, აბა დავითვალოთ, იგივე საგარეჯოში რამდენი ათასი ჰექტარი აქვს ირანელებს აღებული და რამდენი ადამიანი ქართველი მონასავით მუშაობს იმ მიწებზე? საძოვრები, ვისი არის, საძოვრები?.. დიდი მადლობა, კი ბატონო, მაგრამ, ჩინეთიდან და ინდოეთიდან ჩამოყავთ უფასო მუშახელი.“

ქსენოფობია: მედია

ობიექტივი, ღამის სტუდია, 13 აგვისტო

ბონდო მძინარაშვილი, ჟურნალისტი: „ყოველგვარი ქსენოფობიის გარეშე ვამბობ ეხლა, კახეთში რომ ირანელს მოჯამაგირედ დაუდგება კახელი, ეს კატასტროფაა, ეს არის ქვეყნის კატასტროფა.“

ქსენოფობია: საზოგადოება

კავკასია, სპექტრი, 27 ივლისი

რამაზ საყვარელიძე, ფსიქოლოგი: „... მაგიტომ უნდოდ [მიშა სააკაშვილს] უვიზო მიმოსვლა ევროპასთან, რომ ქვეყნიდან წასულიყო დიდი საემიგრაციო ტალღა გარეთ და იქედან შემოსულიყვნენ ინდოელი, ჩინელი და რაღაცა, აი, ამ ტიპის ქვეყნიდან წასული. მას, როგორც ხელისუფალს, აღარაფერს მოთხოვდა, იქ შემოსული შემადგენლობა მით უმეტეს.

თურქოფობია: მედია

კავკასია, სპექტრი, 12 აგვისტო

დავით აქუბარდია, წამყვანი: „აი, ჩვენ თუ ესე ვთქვათ, შევმცირდით, თურქი დაგვაჯდება თავზე. რა არ გვაჯდება უკვე? არ მოდიან? უმცირესობაში აღმოვჩნდებით“.

თურქოფობია: საზოგადოება

ეთნიკური იდენტობის დაუსაბუთებელი მითითება

ინტერპრესნიუსი, 11 აგვისტო, ალია, 12 აგვისტო

ფონიჭალაში პოლიციელის დაჭრის ინციდენტის გაშუქებისას, სააგენტო უთითებს ეჭვმიტანილის ეთნიკურ იდენტობას (“ამასთან, თვითმხილველთა ნაწილი ყვება, რომ დაკავებული პირი ეროვნებით აზერბაიჯანელია“), რაც არარელევანტურია კრიმინალური ამბის გადმოცემისას.

რეკომენდაცია: კრიმინალური ამბების ან სხვა დანაშაულის გაშუქების დროს პირის ეთნიკური ან სხვა იდენტობის მითითება მხოლოდ მაშინ არის დასაშვები, თუ დანაშაულს პირდაპირი კავშირი აქვს პირის იდენტობასთან. სხვა შემთხვევაში ეთნიკურობის მითითებით, რაც თვითიდენტიფიცირების სფეროა, მედია დანაშაულთან გარკვეული ჯგუფის ასოცირებას და სტიგმატიზებას ახდენს.

რელიგიური ნეიტრალიტეტის დარღვევა: საჯარო მოხელე

მაესტრო, მაესტროს 9იანი, 27 ივლისი

თემურ ჯაფარიძე, თერჯოლის გამგებელი: „მრევლმა გამოთქვა სურვილი, რომ აუცილებლად ალტერნატიული ადგილი მიგვეცა [იეჰოვას მოწმეებისთვის საკულტო ნაგებობის მშენებლობისთვის თერჯოლაში]. შეუთვალეს მათ ოფიციალურად, რომ ჩვენ თვითონ მივიღებთ მონაწილეობას მშენებლობაში, ფიზიკურად დაგეხმარებით, არავითარი დაბრკოლება არ გექნებათ, ოღონდ ქალაქის ცენტრში არა, სხვაგან. მაგრამ რაღაცატომ ჯიუტად იმ ადგილს არ თმობენ.

რელიგიური ნიშნით დისკრიმინაცია: მედია

ობიექტივი, ღამის სტუდია, 5 აგვისტო

ბონდო მძინარაშვილი, ჟურნალისტი: „მე გეთანხმებით იმაში, რომ ბევრი რამ არ არის მოსაწონი, მაგრამ თუ გავითვალისწინებთ იმას, რომ სექტებთან შედარებით, ჩვენი მართლმადიდებელი ქრისტიანობა ისე მაღლა დგას, როგორც ჭიაღუასთან დედამიწა, ისეთი მაღალი სიმაღლეები აქვს. ან მაგალითად, როგორც უშბა პატარა ბორცვთან შედარებით ისე გამოიყურება, ნუ ამ შემთხვევაში შეიძლება ვთქვათ, რომ ჯერ კიდევ გადარჩენილები ვართ. სექტებს ვგულისხმობ, ამ თვალსაზრისით ნამდვილად დიდ სიმაღლეებზეა ჩვენი მართლმადიდებელი ეკლესია.“

ობიექტივი, ღამის სტუდია, 25 ივლისი

გია არეშიძე, ჟურნალისტი: „ყველა სექტა არის დაჯგუფება იეღოველებიც და სხვებიც.“

ჰომოფობია: პარტიები

კვირის ქრონიკა, 27 ივლისი-2 აგვისტო

ირმა ინაშვილი, საქართველოს პატრიოტთა ალიანსის ლიდერი: „სწორედ „ნაციონალები“ და მისი არასამთავრობო ორგანიზაციები ახდენენ დასავლეთის ღირებულებების ევროპისა და ამერიკის დისკრედიტაციას საქართველოში, როდესაც თავგამოდებულები იცავენ ქართული მენტალიტეტისთვის აბსოლუტურად მიუღებელ გეიაღლუმებსა თუ ერთსქესიანთა ქორწინებას და ამას ლიბერალიზმით ამართლებენ. ვინც დასავლური ცხოვრების წესს იცნობს, კარგად იცის, რომ იქ ნამდვილად არ არის პოპულარული გეიქორწინებები და ამას საზოგადოებას თავს არ ახვევენ, ხოლო ტელეეთერებში ამ კატეგორიის ადამიანების მიწვევა ე.წ. ტოქშოუებში, სრულიად გამორიცხულია.“

ჰომოფობია: ხელისუფლება

ასავალ-დასავალი, 20-26 ივლისი

ალექსანდრე ჭიკაიძე, სახელმწიფო უსაფრთხოებისა და კრიზისების მართვის საბჭოს მდივნის მოადგილე, ყოფილი შსს მინისტრი: „ჩემი შეგნებითა და ცნობიერებით ვერანაირად აღვიქვამ და დაუშვებლად მიმაჩნია, რომ საქართველოში „ოჯახები“ მამაკაცისა და მამაკაცის, ან ქალისა და ქალის ქორწინების შედეგად შეიქმნას!“

ჰომოფობია: მედია

ასავალ-დასავალი, 10-16 აგვისტო

გიორგი გიგაური, ჟურნალისტი:„მე ნამდვილად არ მაინტერესებს, ამ ქვეყანაში თუ მართლაც „ყველაფერი მოსულა - აქ ჯამლეტამ ბონდო დააორსულა!.. ეს ყველაფერი - პედერასტობა და ბოზობა - ადამიანის პირადი არჩევანია და პირადი ცხოვრებაა, დახურულ, პრივატულ სივრცეში!.. მაგრამ როდესაც ეს პედერასტობა და ბოზობა ხდება ღია ცის ქვეშ, ხელისუფლების მხარდაჭრით მოწყობილ „კაზანტიპობაზე“, მაშინ ლოგიკურად მიჩნდება კითხვა: ჩვენ ამისთვის გვჭირდება ხელისუფლება?!“

საქინფორმი, 10 აგვისტო

არნო ხიდირბეგიშვილი, საქინფორმის მთავარი რედაქტორი: „სიუჟეტის სიმძაფრით ვერც ერთი დეტექტივი ვერ შეედრება „ტელეკომპანია 2“-ს სისხლიან და ბინძურ ისტორიას, რომელიც 21-ესაუკუნის დასაწყისიდან 24-საათიან რეჟიმში აჰიპნოზებს საქართველოს მოსახლეობას: სააკაშვილი - კარგია, დანარჩენები - ცუდი, ამერიკა - კარგია, რუსეთი - ცუდი, პედერასტები - კარგია, ილია მეორე - ცუდი!“..

„სამწუხაროდ, კანონმდებლობა არ ითვალისწინებს ზომების მიღებას მედიის წინააღმდეგ, რომელიც ანტისახელმწიფოებრივი პროპაგანდით, ლგბტ-ღირებულებების პროპაგანდით, გარყვნილებისა და თვითნებობის პოპულარიზაციით არის დაკავებული“...

Geworld.ge, 22 ივლისი

გიორგი გაჩეჩილაძე, ჟურნალისტი: „მხოლოდ ერთობით, მხოლოდ ერთობლივი ძალისხმევით შეიძლება, აღვუდგეთ წინ ამ საშინელ ჭირს, რომლის გავრცელებითაც აშშ გვემუქრება და რომელიც გააქრობს ქართველობას, როგორც ერს“.

Geworld.ge, 22 ივლისი

ზურაბ ცუცქირიძე, ჟურნალისტი: „ჰომოსექსუალიზმი ნორმალური მოვლენა არ არის, რადგან იგი ბუნების კანონების საწინააღმდეგოა, ანომალიაა... ანომალიური სქესობრივი ორიენტაციის ადამიანების უფლებათა დამცველი ორგანიზაციები რომ არსებობს, ჯანმრთელობის ანომალიური მდგომარეობის მქონე ადამიანთა უფლებებს რატომ არავინ იცავს? რატომ არავინ გამოდის საწინააღმდეგო აქციებით იმ შეზღუდვების აღსაკვეთად, რომლებიც დაწესებულია ჭლექიანების, ტიფიანების, ქოლერიანების, მუნიანების და ა. შ. წინააღმდეგ? თუმცა რა გასაკვირია, როდესაც ჰომოსექსუალიზმი დაავადებათა ნუსხიდან ამოიღეს, ხოლო იმ ნუსხაში შეიტანეს... სიყვარული... ჰო, ჰო, სიყვარული!“

ჰომოფობია: სასულიერო პირები

ჰომოფობია: საზოგადოებრივი ორგანიზაციები

ჰომოფობია: საზოგადოება

Geworld.ge, 29 ივლისი

თამრიკო ჭოხონელიძე, მომღერალი: უბრალოდ, ისტერიული სიცილი ამიტყდება ხოლმე, როცა წარმოვიდგენ, როგორ ქორწინდებიან მამაკაცები(!)...მე დედა ვიცი ქალი და მამა _ კაცი! ცოლი ვიცი ქალი და ქმარი _ კაცი!“

ანტიდასავლური განწყობები: პარტიები

ასავალ-დასავალი, 20-26 ივლისი

სოსო ჯაჭვლიანი, ქართული ოცნება:„ამერიკაში, სადაც ძალიან ბევრ შტატში სიკვდილით დასჯა დღემდე არსებობს, ჯერ სასჯელის ეს ზომა გაეუქმებინათ და მერე ეზრუნათ მაგათ [ლგბტ] უფლებებზე. ამერიკელები, იცით, ვინ არიან? 70-იან წლებში მათ ქვეყანაში ავტობუსში შავებს და თეთრებს ცალ-ცალკე სვამდნე. ეს ის ამერიკაა, სადაც გილიოტინა 80-იანი წლების ბოლომდე ჰქონდათ. ამ დროს კი საქართველოში ჭაბუკიანს და ფარაჯანოვს ხელის გულზე  ვატარებდით, მიუხედავად მათი განსხვავებული სექსუალური ორიენტაციისა“...

ობიექტივი, ღამის სტუდია, 29 ივლისი

ადა მარშანია, პატრიოტთა ალიანსი, „ობიექტივის“ წამყვანი: „აი, რაში მდგომარეობს, რა არის ეს დასავლური ღირებულებები?.. ანუ წინ წამოწეული სექსუალური უმცირესობების უფლებები, გეგონება საქართველოში... რაღაც მე არ მახსოვს, რომ საქართველოში იდევნებოდნენ ეს ადამიანები და რაღაცა ეს ინცინდენტები ყოფილიყოს. და ცხადია, მერე უკვე ეს ყველაფერი რუსეთის წისქვილზე, ცუდი გაგებით ასხამს წყალს... რა საკვირველია ამ ქვეყნებში ეს უმცირესობები უფრო საჯარონი არიან და უფრო სხვა თავისუფლება აქვთ მათ, მაგრამ იცით თქვენ, რომ არაერთგვაროვანი დამოკიდებულება არის ამ ადამიანების მიმართ და პროპაგანდა ბევრ ქვეყანაში აკრძალულიც არის, აი ეს არის ამ ადამიანების მდგომარეობა ევროპაში“.

ასავალ-დასავალი, 3-9 აგვისტო

ვაჟა ოთარაშვილი, პატრიოტთა ალიანსი: „დღეს ევროპის გზა კულტურისა და ცივილიზაციის გზა არ არის. ეს ცოდვის გზაა.“

ანტიდასავლური განწყობები: ყოფილი ხელისუფლება

ასავალ-დასავალი, 27 ივლისი- 2 აგვისტო

თემურ ხაჩიშვილი, უშიშროების ყოფილი მინისტრი: სულ ახლახან აშშ-მა დააკანონა ერთსქესიანი ქორწინება და საკუთარი საგარეო პოლიტიკის პრიორიტეტად გამოაცხადა მსოფლიოს ყველა ქვეყანაში ანალოგიური შედეგის მიღწევა... აშშ-ს მხრიდან „მენტალური ოკუპაციის“ პოლიტიკა ჩვენს ქვეყანას გაცილებით მეტ ზიანს აყენებს, ვიდრე რუსეთის მიერ ტერიტორიების მიტაცება! ტერიტორიებს ქვეყნები კარგავენ და იბრუნებენ, ეროვნული ცნობიერების დაკარგვის შემთხვევებში კი ამ ტერიტორიების დაბრუნების მსურველი საქართველოში აღარავინ იქნება!..

განახლებულ მსოფლიოში ქართველებს ჩვენი ადგილი გვაქვს საპოვნელი - ან მხარს დავუჭერთ საუკუნეების განმავლობაში ჩამოყალიბებულ ტრადიციულ ღირებულებებს, რომელთა მთავარი ფენომენი იყო მართლმადიდებლობის ოჯახის ინსტიტუტის, ზნეობრივი ცხოვრების წესის პატივისცემა, ან თავისუფლებიდან გადავალთ, მომიტევეთ გამოთქმისთვის „ტრაკისუფლებაზე“.

ანტიდასავლური განწყობები: მედია

ობიექტივი, ღამის სტუდია, 20 ივლისი

ნინო რატიშვილი, წამყვანი: ჩვენ ამერიკელი ხალხის დირექტივის შესრულების დილემის წინაშე კი არ აღმოვჩნდებით, ჩვენ აღმოვჩნდებით ოფიციალური თეთრი სახლის... როდესაც დასავლელი ლიდერები, აკეთებენ განცხადებას , რომ მე თქვენი კულტურა არ მაინტერესებს, მთავარი არის ეს“... 

ობიექტივი, ღამის სტუდია, 25 ივლისი

მაყურებელი: „დასავლეთი ეს არის უერო, უსქესო, უტრადიციო კოლონიზატორები“...

Geworld.ge, 12 აგვისტო

დავით მხეიძე, ავტორი: „რუსეთი ერთადერთი ქვეყანაა, რომელმაც კანონის ძალით აკრძალა გეიაღლუმების გამართვა, მას შემდეგ, რაც აშშ-მა ქვეყნის მაშტაბით ყველგან დააკანონა ერთნაირსქესიანთა ქორწინება და უფრო მეტიც, სახელმწიფო მდივნის, ჯონ კერის, პირით მსოფლიოს დაემუქრა ამ “ჰუმანური” აქტის გავრცელებით. ამ დროს პუტინის რუსეთის ხისტი პოზიცია ამ უზნეო სიბინძურისადმი კიდევ უფრო აქტუალური და მისასალმებელია.

ანტიდასავლური განწყობები: სასულიერო პირები

Geworld.ge, 22 ივლისი

არჩილ (ქიტუაშვილი), სასულიერო პირი:„ანტიდასავლური განწყობა იმიტომ იზრდება, რომ დღეს დასავლეთი ასოცირდება სიბილწესთან... ქართველი კაცი თავისი იდეოლოგიითა და ფასეულობებით ქრისტიანია, ქრისტიანული მსოფლმხედველობისთვის კი აღვირახსნილობა მიუღებელია...

გვაძალებენ კიდეც და პირდაპირ გვეუბნებიან: ან შეასრულებთ ყველაფერს, რასაც ჩვენ გეუბნებით, ან ევროკავშირს და ნატოს დაემშვიდობეთო... ზუსტად ასე იყო ძველათაც, როცა დიდ სახელმწიფოებს საქართველოს დაპყრობა სურდათ. იმხანად ჩვენს მეფეებს ტახტის შენარჩუნების სანაცვლოდ ქრისტიანობის უარყოფას და მტრის სარწმუნოებაზე გადასვლას სთხოვდნენ. ფაქტობრივად...დღეს ევროპა უღმერთოდ ცხოვრობს და ევროპელების არჩევანი არის უღმერთობა; დასავლეთი თავს გვახვევს არაქრისტიანულ ცხოვრების წესს და ამის დაშვება არ შეიძლება, თორემ ქართველი ერი დაიღუპება.“

Geworld.ge, 5 აგვისტო

გიორგი (რაზმაძე),ავჭალის წმინდა ქეთევან წამებულის ტაძრის წინამძღვარი: „ანტიდასავლური, განსაკუთრებით ანტიამერიკული, განწყობა იმიტომ ძლიერდება, რომ ეს სახელმწიფო სჩადის უამრავ ბოროტებას... გასაკვირია პირდაპირ, რომელ ერს დამისახლებთ, ამერიკელების გარდა, რომელმაც საომარ მოქმედებებში ატომი გამოიყენა და ასიათასობით ადამიანი დახოცა, რომელ ერს დამისახელებთ, რომელმაც ყველანაირად გაძარცვა მსოფლიო?“.

ანტიდასავლური განწყობები: საზოგადოებრივი ორგანიზაციები

Geworld.ge, 22 ივლისი, ასავალ-დასავალი, 27 ივლისი - 2 აგვისტო, საქინფორმი, 3 აგვისტო

ალექსანდრე ჭაჭია, გლობალიზაციის პრობლემების კვლევის ცენტრი:„დასავლური ე. წ. ღირებულებების გავრცელებამ სულიერი გახრწნა და ტრადიციული ზნეობის დაცემა მოიტანა... პუტინი ცდილობას, შექმნას მსოფლიო ალტერნატიული ძალა, რომელიც წინ აღუდგება ამერიკელთა გლობალიზაციის პროექტს _ ერების დენაციფიკაციას, ტრადიციული ზნეობის, რელიგიური მრწამსისა და ეროვნული თვითშეგნების განადგურებას.

ზოგს უკვირს, თუ რატომ ითხოვენ ამერიკელები პედერასტიის დაკანონებას მაშინ, როდესაც ეს ამა თუ იმ ქვეყნის საზოგადოების დიდ ნაწილში ამერიკისადმი ანტიპათიას იწვევს. საქმე ისაა, რომ პედერასტიის დაკანონება სპობს იმ საძირკვლებს, რომლებზეც დგანან თანამედროვე ერები, როგორც კულტურულ-ისტორიული ფენომენები, ანუ პედერასტია ანგრევს რელიგიურ მრწამსს, ტრადიციულ ზნეობას, ოჯახურ მორალს, საუკუნეების განმავლობაში ჩამოყალიბებულ სულიერ ღირებულებებს, ეროვნულ წეს-ჩვეულებებ და ამით ერს ადვილად სამართავ ბრბოდ აქცევს. ღარიბაშვილი ქართულ ოჯახში გაზრდილი კაცია და მისთვის პედერასტების ქორწინების დაკანონება ქართველობაზე უარის თქმის ტოლფასია!“

ანტიდასავლური განწყობები: საზოგადოება

ასავალ-დასავალი, 10-16აგვისტო

ლალი ბადურაშვილი, მსახიობი: „ვერ გავიგე - თუ პუტინი უნდა გავაკრიტიკო, რატომ უნდა დავუკრა თავი ყველაფერზე ჯონ კერის, რომელიც ამბობს, იძულებით მიგაღებინებთ კანონს ერთსქესიანთა ქორწინების შესახებო?!.. ანტი ვიქნები ყველას მიმართ, ვინც ჩემს მენტალიტეტსა და ტრადიციებს შეეხება. რუსეთმა თუ ხელ-ფეხი მოგვაჭრა, ამერიკა გულს და სულს გვართმევს.“

Geworld.ge, 29 ივლისი

გივი სიხარულიძე, მსახიობი: „ჩვენ, იცით, რას გვიშვრებიან ევროპა და ამერიკის შეერთებული შტატები? პირდაპირ გვეუბნებიან: მიგიღებთ ნატოში, მაგრამ ორასი წლის შემდეგ, თუ თქვენთან, სახელმწიფოში, კაცი კაცს მოიყვანს ცოლად და ქალი ქალზე გათხოვდებაო. მე კი ვამბობ: წყეულიმც იყოს ის სულხან-საბას, შოთა რუსთაველის, გრიგოლ რობაქიძისა და ილია ჭავჭავაძის საქართველო, რომელიც ევროკავშირის წევრობას სოდომური ცოდვის დაკანონებითა და აღვირახსნილობის, გარყვნილების დამკვიდრებით მიაღწევს! წყეულიმც იყოს ის საქართველო და ქართველი ხალხი, რომელიც ამას დაუშვებს და გარე ძალების მიერ ნაკარნახევ უბედურებას უჩუმრად მიიღებს!.“

სექსიზმი: პარტია

კვირისი პალიტრა, 22 ივლისი

სოსო ჯაჭვლიანი, დეპუტატი: არა, ბოზი "ლამაზმანს" ნიშნავს... მაგრამ არც 10 მანეთად დავდიოდი მათთან. ვთქვ იკიდეც, საბჭოთა კავშირი სლამაზმანებთანაც მიმუშავია, მაგრამ ათი მანეთი არ გადამიხდია.... სანამ ცოლს მოვიყვანდი, თამაშისა და მუშაობის უფლება არ მქონდა? სვეტლანა ტომა, პროკლოვა, ვერა სარანოვა, უკრაინელი გალინა, ერთი მახსოვს, "მის რასია" იყო, ქართველებზე საერთოდ არ ვლაპარაკობ...

ოჯახში ძალადობა

იმედი, იმედის კვირა, 26 ივლისი

ქალთა მოძრაობის და არასამთავრობო ორგანიზაციების ერთობლივი განცხადება „იმედის კვირის“ დისკრიმინაციულ სიუჟეტზე.

კვირის ქრონიკა, 20-26 ივლისი

მადონა ჯაში, ექსტრასენსი: „რაც არ უნდა აბსურდულად მოგეჩვენოთ, ქალი, ეს მშვენიერი სქესის სუსტი არსება, მხოლოდ იმიტომ გადარჩა, რომ მეუღლეთა გინებასა და კონფლიქტს, საბედნიეროდ, ხშირად შერიგება და თბილი სიტყვების შენაცველბა მოსდევს.“

გენდერული სტერეოტიპები: მედია

საქინფორმი, 3 აგვისტო

არნო ხიდირბეგიშვილი, საქინფორმის მთავარი რედაქტორი:„2013 წლიდან, ხელისუფლების სათავეში „ქართული ოცნების“ მოსვლის შემდეგ, „მე-9 არხი“ დახურეს და ახალი ხელისუფლება ხმისა და რუპორის გარეშე, პრესამსახურებისა და PR-დეპარტამენტები სხელმძღვანელების - ახალგაზრდა გოგონების ანაბარად დატოვეს, რომელთა გარეგნობაც მათი არაპროფესიონალიზმის პირდაპირ პროპორციულია.“

სექსიზმი: საზოგადოება

ასავალ-დასავალი, 20-26 ივლისი

გივი სიხარულიძე, მსახიობი: ეგრე, ჩვენში „სვეტსკი გოგოობაც“ კარგ ტონად ითვლება, ვითომ! არადა,რა არის ეს „ტელევარსკვლავ-სვეტსკობა“?! ბოზობა ჰქვია მაგას,ბო-ზო-ბა! 100 კაცს რომ გამოიცვლი და „თავისუფალი გოგო“ ვარო, გაიძახი, ბოზი ხარ და ვერ გაგიგია! ჰოდა, ეს ჩვენი ხურუშიანი ბიჭებიც,თუ ქალი ასჯერ არ არის „შემოწმებული“,ისე ცოლად არ მოიყვანენ! ქალიშვილი გოგოები აღარ უნდათ და ბოზები მოჰყავთ ცოლებად!“